在月台聽到「嘟嘟聲」，你會停下腳步等下班列車，抑或是加速急步衝入車門？近日有網民在社交平台上載短片，指有名短袖短褲男子在列車門即將關閉時，瞓身衝入車廂。不過，由於影片由未關門已開始拍攝，有網民批評為拍衝門會影響其他乘客。根據港鐵附例，原來可被罰款$2000！
網傳男子瞓身飛撲入港鐵列車影片
有網民在Facebook群組「HK世界頭條🇭🇰爆料區」上載一段短片，片中可見一名白衣男子在列車車門即將關上之際，飛身撲前衝入車廂，為上車瞓晒身，認真搵命搏！上載影片的網民則配上搞笑圖片說明，「老細，我真係趕緊地鐵返嚟」。
疑為點擊率拍片 網民憂撞到人出意外
有人鬼馬回覆「奧運風潮影響」、「佢好熱愛返工」、「巴黎奧運（香港區項目）衝車廂 金牌得主」等，不過部分網友對這段擺拍的影片不太賣賬，有人批評「刻意搞的不會好笑」、「拍片都拍好D呀，假到呢！」亦有留言斥責拍片與衝門者「拍呢啲片嘅人好缺德，衝入嚟收唔住制撞到人點算衝門時有意外，趕時間嘅其他乘客，多得佢地唔少。」
港鐵衝車門罰$2000
根據《香港鐵路附例》第9條「不得進入或離開列車」，在列車車門開始關閉後進入或離開列車，違者可被罰款$2000。
點擊圖片放大
」，
App內睇文同睇片可隨時捕捉U Fun彩蛋，
換領現金券及禮品！
↓「角逐打卡王🏆」送THE PARK LANE HONG KONG雙人晚市餐飲禮券🎟️！↓
↓請您食人氣自助餐：即開生蠔🦪、波士頓龍蝦🦞↓
📣全新《Chill賞遊世界企劃🌏》！
↓ 簡單登記，贏走超市現金券💰／免費機票✈️↓
